வேரென நின்றிடுவாய்

வேரென நின்றிடுவாய் எனும் தலைப்பில் எழுதப்பட்டுள்ள இக்கவிதை..(மரபு)(காவடி சிந்து)எனது சொந்தப் படைப்பே எனச் சான்றளிக்கிறேன். இப்படைப்பு இதற்கு முன் வெளியானதல்ல எனவும் போட்டி முடிவு வெளியாகும் வரை வேறெங்கும் பிரசுரத்திற்கு அனுப்பமாட்டேன் எனவும் சான்றளிக்கிறேன்


 “வலைப்பதிவர் திருவிழா-2015” மற்றும் தமிழ்இணையக் கல்விக்கழகம் நடத்தும் “மின்தமிழ் இலக்கியப்போட்டிகள்-2015“க்காகவே எழுதப்பட்டது

வகை 5 மரபுக்கவிதை



கால முருக்கலில் தோன்றிக் கருத்தெழில்

     கற்றுக் கொடுத்தவளே-அருங்
      கன்னித் த்மிழ்க் கொடியே-அடர்

ஞாலம் தனில் பெரும் ஞானம் உரைத்திடுக்

     நாதம் இசைப்பவளே-பசும்
     நாற்று வளர்ப்பவளே-வரும்

காலக் கதிரதில் ஊனில் உயிரினில்

    காட்சி தருபவளே-மூச்சுக்
     காற்றில் சிரிப்பவளே-வெற்றிச்

சீலமனைத்திலும் செம்மை விளங்கிட

     சிந்தனை தந்தவளே-என்னுள்
     சீறிப்பிறப்பவளே-என்

மோகக் கருவிழி முங்கி எழுந்திட

     முத்தும் அளித்தவளே-அதை
     முன்னமாய்த் தந்தவளே-பெரும்

தாகமெடுத்துனை தேடிய டைந்திட

    தத்தும் நறும்புனலே-நலம்
    தங்கும் அருட்கடலே-வானின்

மேகக் குடமதன் மேனமை அலர்ந்திட

     மாரியும் ஆனவளே-சுடர்
    மங்கலப் பெண்மயிலே-உன்றன்

போக மேவாழ்வெனக் கூடும் புரட்சியின்

     பாவலர் கைப்பொருளே-என்னுள்
     பூக்கும் சுகநிலையே-வளர்

நேசமுடன் உனை நெஞ்சில் துதித்திட

     நன்னிலை தந்தவளே-எந்த
     நாட்டையும் வென்றவளே-திரு

வாச கமாய்தினம் தோன்றி மலர்ந்துமே

     வாகையைக் கொண்டவளே-அதில்
      வன்மையும் தந்தவளே-மிகு

பாச முடன்உனைத் தாங்கியே நின்றிட

     பாதையைத் தந்திடுவாய்-என்றன்
     பண்பையும் கூட்டிடுவாய்- இந்த

தேச மனைத்திலும் வெற்றி ஒளிர்ந்திட

     வேகமாய் வந்திடுவாய்-நின்றன்
     வேரென நின்றிடுவாய்
**********************************************************************************