உனக்கு

காதலித்த காலங்களில்
கணக்கின்றி பேசுவாய் நீ
இப்போது
நிமிடங்களில் உன்
மொத்த உரையாடலும்!
ஒன்றாய்ப் போவோம் என்று சொல்லி
பேருந்து பயணத்தின் போது
வேறு வேறு இருக்கைகளில் அமர்ந்தாலும்’
இதயத்தின் அருகிருந்தாய்!
கைபிடித்த காலத்திலும்கூட
மனம் கொள்ளா மகிழ்வுடன்
காணப்பட்டாய்!
ஏழைப்போர்வை எட்டி மிதித்து
பணக்காரப்போர்வை உன்னை
வணங்கி ஏற்றவுடன்
மகிழுந்தில் தான்
அழைத்துச் செல்கிறாய் என்னை!
எந்த ம்கிழ்வும் இல்லாமல்!
கேட்டதெல்லாம் வாங்கித்தருகிறாய்
பெரிய கடன்காரனைப்போல்!
எனக்குச் சொல்வதற்கென்றே
நகைச்சுவை படிப்பாய் அந்நாளில்!
இன்றோ
வெற்று நகையின்
சுவை மட்டுமே அறிகிறேன்!
பணம் எல்லாம் செய்யும்!
பணமே வாழ்க்கை என்கிறார்கள்!
அந்தப் பணம்
வாங்கித்தருமா
நான் வேண்டும்
நான் விரும்பும்
நான் நேசிக்கும்
நான் இழந்த
உன் மனம்
*****************************************************************