தமிழ் வாழ்த்து- காவடி சிந்து வகை

*  உலகினில் சிறந்ததென் தமிழே- தங்கக்
                                                  குமிழே-உன்றன்

கனவினில் தொடர்ந்ததென் வழியே-உனைத்
தொடர தொடர மனம் சுடர சுடர தினம்
                                                       துடிக்கும் ம்- சிந்து
                                                        படிக்கும்


*  மதியினில் படருதுன் பாடல் - ஒரு
                                               நாடல்- எந்த

வயதிலும் தொடர்ந்துனைத் தேடும் - மது
பருகி பருகி தினம் பலமுறை படித்தனள்
                                                  மயலால்- இந்தத்
                                                   தையலால்    

*  உயிரினில் விளையுமென் மொழியே- அருள்
                                                             விழியே- இசைப்

பயிரதும் துளிர்ந்திடும் வழியே - சிறு
தழலிலெரியுமெனை தனதில் சுமந்தயிளம்
                                                        கொடியே-புகழ்க்
                                                          கொடியே

* மடமையில் உழலுது உலகம் - பல
                                                   கலகம்- எனின்

கடமையில் கவிகளே கமழும் - அவை
சிறக்க சிறக்க நலம் பிறக்க பிறக்க வந்து
                                                     அருளாய்-உயர்ப்
                                                       பொருளாய்

*****************************************************************