சிந்து தரும் தூது

சிந்து தரும் தூது எனும் தலைப்பில் எழுதப்பட்டுள்ள இக்கவிதை.எனது சொந்தப் படைப்பே எனச் சான்றளிக்கிறேன். இப்படைப்பு இதற்கு முன் வெளியானதல்ல எனவும் போட்டி முடிவு வெளியாகும் வரை வேறெங்கும் பிரசுரத்திற்கு அனுப்பமாட்டேன் எனவும் சான்றளிக்கிறேன்


 “வலைப்பதிவர் திருவிழா-2015” மற்றும் தமிழ்இணையக் கல்விக்கழகம் நடத்தும் “மின்தமிழ் இலக்கியப்போட்டிகள்-2015“க்காகவே எழுதப்பட்டது


வகை5 மரபுக்கவிதைப்போட்டி
*************************************

தன்னதன தான தானத் தான

தன்னதன தான தானத் தான

தன்னதன தான தானத்தான------தனதானா

கொஞ்சிவரும் மேகம் காணக் காண

நெஞ்சிலொரு மோகம் ஏறிப்போக

வஞ்சியுனைத் தேடிப் பாடும் பாடல் ----தமிழாகும்

துள்ளித்திரி பாவை போல நாடும்

வெள்ளியென ஞானம் மேவ, கூடும்

வெள்ளமென இன்பம் சேரச் சேர ---வருவாயே

தும்பையதில் மேவும் போது

அம்பலவன் மேனி நீறு; நீறு

விம்மியெழும் ஞானம் சேரும் பாதை ---தெளிவாகும்

குற்றமதில் வாழும் மாயக்கூட்டம்

சுற்றமிடை தேயும் தீயக் கேடு

முற்றுமழிந்தோடும் போகப்போக---நிறைவாக

நன்மையதும் கூடிக் கோர்க்க கோர்க்க

இன்னலதும் தீர்ந்து ஓடிப்போக

கன்னலுமாய் நானும் தேறிப்போக----வளமாக

வந்துவிடும் காலம் நாதம் போல

சிந்துதரும் தூது வேதம் போல

முந்திவரும் போதில் சூழச்சூழ---தமிழாகும்

என்னிலொரு பாடல் சூடச்சூட

தென்மதுரை மீனாள் ஆடிப்பாடி

கன்னியெனை நாளும் பார்க்கப் பார்க்க---வருவாளே

எந்தமிழும் பூவாய்ச் சேரச் சேர

தந்தருளும் தேவி வாராய் வாராய்

முந்திவரு பாவாய் தாராய்,தாயாய்,-----கவியாக

*********************************************************************888