விளைநிலம் காப்போம்

விளைநிலம். காப்போம் எனும் தலைப்பில் எழுதப்பட்டுள்ள இக்கவிதை.எனது சொந்தப் படைப்பே எனச் சான்றளிக்கிறேன். இப்படைப்பு இதற்கு முன் வெளியானதல்ல எனவும் போட்டி முடிவு வெளியாகும் வரை வேறெங்கும் பிரசுரத்திற்கு அனுப்பமாட்டேன் எனவும் சான்றளிக்கிறேன்


 “வலைப்பதிவர் திருவிழா-2015” மற்றும் தமிழ்இணையக் கல்விக்கழகம் நடத்தும் “மின்தமிழ் இலக்கியப்போட்டிகள்-2015“க்காகவே எழுதப்பட்டது

வகை 5 மரபுக்கவிதை


வேதியல் உரத்தை விளைநிலம் கொட்டி
விதைகள் முளைக்கச் செயலாமோ?
நீதியி  ல்லாமல் நெறிமுறை தவறி
நிம்மதி கெடவே விடலாமோ?

பூமியின் அடுக்கு புண்ணாய்க் கிடக்கு
புரிதலைக் கொண்டு வருவோமா?
நாமிதை இன்றே தொடங்கலை என்றால்
நலம்கெடும்; பூமியும்; விடலாமோ?

இயற்கை வளத்தை பெருக்க நாமும்
இன்றே விரைவோம்; வாருங்கள்;
செயற்கை ஒழித்தே செயலது தொடங்க
சிந்தனை செய்வோம் கூடுங்கள்

களர் என நிலத்தை கருத்தினில் மறைத்தோம்
காங்கிரீட் ஆகி வதைத்திடுதே
உளமுள யாரும் உருகவே வருக
ஊற்றாய் பெருக விதைத்திடுவோம்

மரமதை வெட்டி வீடுகள் கட்டி
மண்வதை செய்தோம்; கொய்தோமே
தரமதை இழந்தோம்;தாழ்மையும் பெற்றோம்;
தலையதும் நிமிர உய்வோமே

இனியெனும் நிலத்தை இயற்கை வளத்தை
இனிதாய் காக்க வாருங்கள்
கனியெனும் வாழ்வும் கரமதைநீட்ட
கவினாய் ஒன்று கூடுங்கள்
***********************************************