சரித்திரம் படைப்போம்

இன்பம் கோடி காண்போமே
இடர்கள் ஓடிப் போ என்போம்
அன்பும் அறனும் சிரித்திடவே
அடக்கம் காத்து வாழ்வோமே

பண்பும் பாசம் மிகக் கொண்டு
பாரில் நன்றாய் வாழ்வோமே
இன்னல் எழுந்து வருமாயின்
மின்னல் போல நீக்குவமே

கன்னல் தமிழில் கவிபாடி
காலம் முழுதும் களிப்போமே
தன்னலம் மறந்தே உழைப்போமே
தமிழின் பெருமை உணர்வோமே

எங்கள் கவிபோல் உலகினிலே
எவரே படைத்தார் சொல்லுங்கள்
சங்கத் தமிழின் புகழ்பாடிச்
சரித்திரம் படைப்போம் வாருங்கள்
**************************************************