புழுக்கம்.....

எங்கும் ஒரே புழுக்கம்!
அதோ வந்தது
இதோ வந்தது
எப்படியும்
தென்றல் வரும்
என்றார்கள்
அந்நியபுழுக்கம்
அழிக்கப் பட்டு
புதிய பூமியின்
புதுப் புழுக்கம் தான் வந்தது!

ஆனால்
புதிய தென்றல்
என்று அறிமுகப்படுத்தப்பட்டது!
மேடைகளில்
விளம்பரப்படுத்தப்பட்டது!
காவல் நிலையங்களில்-அன்றி
மாந்தோப்பு
புளியந்தோப்பு- முதற்கொண்டு
அங்கிங்கெனாதபடி
எங்கும்
புழுக்கம் குறையவில்லை
வியர்வைக்கு
விலையும் கிடைக்கவில்லை.
**************************************************

பின்குறிப்பு: இங்கே புழுக்கம் என்றால் விடுதலையை மட்டும் தான் குறிப்பிடுகிறேன் என்று நீங்கள் நினைத்துக் கொள்ளக்கூடாது.