தமிழின் திறமை

தமிழின் திறமை எனும் தலைப்பில் எழுதப்பட்டுள்ள இக்கவிதை.எனது சொந்தப் படைப்பே எனச் சான்றளிக்கிறேன். இப்படைப்பு இதற்கு முன் வெளியானதல்ல எனவும் போட்டி முடிவு வெளியாகும் வரை வேறெங்கும் பிரசுரத்திற்கு அனுப்பமாட்டேன் எனவும் சான்றளிக்கிறேன்


 “வலைப்பதிவர் திருவிழா-2015” மற்றும் தமிழ்இணையக் கல்விக்கழகம் நடத்தும் “மின்தமிழ் இலக்கியப்போட்டிகள்-2015“க்காகவே எழுதப்பட்டது

வகை 5 மரபுக்கவிதை



தமிழின் திறமை
*********************

வட்டில் தரும் பொட்டில் தமிழ்
முட்டும் இளம் கவிகள்--சொற்
கட்டில் நிலை மெட்டில் சுவை
கொட்டும் மன அலைகள்

சுற்றும் புகழ் பற்றும் தினம்
சொட்டும் புவி மனதில்--திணை
மொத்தம் நிகர் சித்தம்--அதில்
கொத்தும் மலர்க் கணைகள்

கள்ளும் பல சொல்லும் மது
அள்ளும் கவி மழையில்--அன்
புள்ளம் கலை வண்ணம்--கதிர்
கொஞ்சும் சுடர் இழையில்

திட்டம் பல கட்டும் இனி
பட்டம் பெறும் தமிழில் சொற்
குற்றம் தரும் ஏட்டில்--கனம்
செப்பும் தளிர் பாட்டில்

நித்தம் ஒரு சத்தம் உலை
கத்தும் வனக்குயிலில்--அதில்
பட்டும் நிலை கெட்டும் --தமிழ்
கொட்டும் கதிர் ஒளியில்

நெருப்பும் துறுவெறுப்பில்--மனம்
விரு(ம்)ப்பும் தனிப் புலமை--ஒரு
திருப்பம் இது முறிப்பம் எனில்
தகிக்கும் தன் திறமை.
**************************************************8