பொம்மை(குழந்தை பாடல்கள்)

பொம்மை நல்ல பொம்மை
புதுமை யான பொம்மை
சாவி கொடுக்க ஆடும்
முரசு கொட்டிச் சிரிக்கும்

கண்ணை நன்கு சிமிட்டும்
என்னைக் கண்டு துள்ளும்
புதிய சட்டை போட்டது
புத்திசாலிப் பொம்மை

கண்ணைப் பாரு மின்னல்
காதில் இரண்டு கம்மல்
இரட்டைச் சடைகள் துள்ளும்
இந்திய நாட்டுப் பொம்மை

அழகு பொம்மை ஆடுது
தலையை ஆட்டிப் பாடுது
எந்தன் அண்ணா தந்த
இனிமை யான பொம்மை
***************************************