உருளும் வாழ்க்கை

திருமணம் செய்து வைத்தபின்
மகளைப் புறக்கணிக்கும்
அம்மாக்கள் போலவே....

தனது மகள்களின்
திறமையை முடக்கி
கல்விதர மறுத்த
அப்பாக்கள் போலவே

தனது பழைய
கிழிந்த சட்டையைக்
கொடுத்துவிட்டு

தானம் கொடுத்தேன் என்று
தம்பட்டம் அடிக்கும்
மனிதர்கள் போலவே

சமுதாய நெரிசலில்
போட்டியிட முடியாமல்
பிறன் உழைப்பைகவரும்
திருடர்கள் போலவே

சதைப்பற்று தேடி
நல்ல மகளிர்களை
விலை மகளிர்களாக்கிய
காமக் கொடூரன்கள் போலவே

குடும்ப நிலைமை தெரியாமல்
பார்க்கும் பொருட்கள் கேட்கும்
குழந்தைகள் போலவே

பணம் தான் மனித அளவீடு
என்றெண்ணி
வரட்டு கெளரவம் பார்க்கும்
முரட்டு மூடர்கள் போலவே

ஏழைகளிடம் பிடுங்கி
தன் சுகம் காத்த
தனவான்கள் போலவே

புத்தியுள்ளவன் பிழைப்பான்
என்று சொல்லி
எதையாவது செய்து
பணம் கடையும்
பிணஉயிர்கள் போலவே

தன்நிலை சரியின்மையால்
பிறர் வருங்காலம் பார்க்கும்
அப்பாவி ஜோதிடர்கள் போலவே

அடுத்தவனைத் திட்டியே
தன் தவறுகளை
நியாயப்படுத்தும்
அரசியல் போலவே

வாழ்க்கை உருள்கிறது
எதற்காகவோ?????
******************************************