ஒன்று கூடுவோம்(குழந்தை பாடல்)

மனதால் ஒன்றாய் ஆனோமே

   மக்கள் எல்லாம் கூடுவமே
தனதே தனதே என்றில்லாத்
   தத்துவம் கொண்டு வாழ்வோமே


உனதும் எனதும் சேர்த்துவைத்து
   ஊருக்கெல்லாம் கொடுத்திடுவோம்
தினமும் நாமே எழுந்துவந்து
   தீந்தமிழ்ப் புகழப் பாடிடுவோம்


மதங்கள் தருமே பெருங்கேடு
   மானம் காப்பது பண்பாடு
மதங்கள் என்ற மதம்பிடித்தால்
   மண்ணில் வாழ்க்கை புண்ணாகும்


வதங்கள் செய்து வாழ்ந்திட்டால்
   வரலா  றழித்திடும் புரிந்துநட
பதமாய்ப் பாரை உயர்த்திடவே
   பாங்குடன் வாழ்வில் நடந்திடுவோம்
*****************************************