தரணி போற்ற வாழ்வோம்

தமிழன் என்றே பண்ணிசைத்துத்
   தரணி போற்ற வாழுவோம்
அமிழ்தம் போன்ற மொழியதனால்
   அகிலம் காப்போம் வாருங்கள்


அன்பு கொண்டே அனைவரையும்
   அணைத்து வாழ்வோம் தோழர்களே
தென்றல் போல இணைந்தே நாம்
   தேசப் புகழில் மகிழ்வோமே

முன்னோர் மொழிந்த கருத்துக்களை
   முத்தாய், பொன்னாய்ப் போற்றிடுவோம்
அண்ணல் காந்தி நேருபிரான்
   அறிவு மொழிகள் பேணுவமே

நித்தம் நெஞ்சில் நேர்மையினை
   நிலையாய்ப் பெற்று வாழுவமே
புத்தம் புதிய கலையினிலே
   பூக்கும் தமிழைப் போற்றுவமே

***********************************************