உயர்ந்தோங்கும் ( காவடி சிந்து வகை)

நடமிடும் மொழிதனில் டடமிட வடமிட
கடுமையின் சினமதும் குறைபட நிலையதும்
                                                                     பணியும்-பகை
                                                                     தணியும்

முடமதும் முனகிட மினிவரும் மயலிட
கடமையில் கவிதரும் கமழிடும் புகழிடும்
                                                                     சந்தம் -தமிழ்
                                                                      சிந்தும்

திடமிடும் கவிகளூம் திறம்பல பறையிட
மறமிடும் கதையினை மகிழவே உரையிட
                                                                       தேடி-புகழ்
                                                                           பாடி

கடலென  கவியினில் அலையெழ உலவிடு
கனியெனில் சுவைதரும் தமிழது முதலிடம்
                                                                         பாடு-விருப்
                                                                          போடு


மடமையில் தவழிடும் மனிதரும் அழிபட
மதமதில்பலியிடும் மடையரும் அழிபட
                                                                சீறும்-தமிழ்ப்
                                                                 பாரும்

கடமையில் பழகிடத தழுவிடும் தமிழதும்
மொழியினில் முதல்மொழி உலகினில்  தலைமொழி
                                                                  என்றார்-அது
                                                                   நன்றாம்

குடமதில் ஒளியென மறையிட திரையிட
அனைவரும் முனைவதும் அழிவினைத் தருவதும்
                                                                  முறையா-சதித்
                                                                    துறையா

வடபுலம் வளமையின் நெறிகெட சிறையிட
இனியது நடவுமா? மலையெனத் தமிழதும்
                                                                         ஓங்கும்-உயர்ந்
                                                                          தோங்கும்

**********************************************************************